اكبر مجموعه لاكواد كول تون لشبكه موبينيل وطريقه ادخالها وشرح كل شئ عنها

السلام عليكم ورحمه الله وبركاته

هنا سيتم وضع اكبر مجموعه اكواد لكول تون لشبكه موبينيل

وليقدر الجميع يوفر مبلغ كبير من الكارت عندما تتصل لتختار نغمه

وهشرح ازاى تدخلها وطريقتها

اولا اللى بيتصل بتبقى الدقيقه 1,50 قرش

وطبعا انا نفسى اول ما عملتها كان مش بيكفى كارت لانى كنت مش اعرف نظامها ازاى

واحب اشرح لكم ازاى تدخل كود وايضا تختار نغمه بدون كود



اولا :- نظام الشبكه والاشتراك للجدد اللى اول مره

1- اتصل بـ 9999
2- لاختيار اللغه العربيه اضغط الرقم 2
3- للاشتراك في الخدمه اضغط الرقم 1
( لازم تستني لما تقول الكلام يعني مش تقفل وتدوس قبل متخلص لانها هتقولك لم نتلقي اختيار صحيحا )

بعدها هيقولك سيتم ارسال رساله لك

تقفل انت على طول

بعدها سيرسل لك رساله

وكده اشتركت وبيقولك فى الرساله اتصل تانى بقا على 9999 لتحديد الكول تون
بكده تتصل بقا وتختار الاغنيه اللى عاوزاها



ثانيا :- طريقه ادخال الكود

1- ستتصل على 9999 ولو قدرت تفتح الميكرفون يبقى افضل لتدخل الكود بسرعه

بعدها تدوس رقم 3 على طول بعدها هيقولك ادخل الكود اللى معاك قبل ما يكملها تدخل الكود

اللى معاك للنغمه اللى عاوزاها بعدها هيقولك الرقم كذا تستنى واوعى تقفل وهيقولك للتاكيد

اضغط 2 تضغط بعدها هيقولك لتخصيص النغمه مش تسمع اى شئ تفضل تدوس 111 لحد ما

يقولك تم ضبط النغمه بنجاح تقفل فى وشه على طول
بعدها ولا تسمع شئ تانى لانه هيقولك اللى قاله فى اول شئ عن القائمه

كده طريقه اللى معاه الكود



ثالثا :- اللى مش معاه اى كود

الطريقه طبعا للي مشتريكين اصلا

هتتصل طبعا بـ9999

بعدها اضغط علي طول من غير متديها فرصه تتكلم 2-----3-----3

كدا هتخليك تدخل علي التوب توينتي ( وبيكون فيهم احسن الرنات )

هتبدا تسمع الاغاني مش لازم بقي تسمع الاغنيه كلها اسمع اول حته بس

رقم 2 بيجيب الاغنيه اللي بعدها ورقم واحد بيرجع اللي قبلها (فاتت يعنى او عدت )

الاغنيه اللى عجبتك من اللى سمعتهم دوس ورا بعض علي طول

3---2---1---1---1

كده خلاص تمام

وطبعا تستنى لما يقولك تم ضبط النغمه وتقفل على طول بعدها بردو تقفل فى وشهم

وبكده كله تمام

والحمد لله